দেৱেশ্বৰ চলিহা

দেৱেশ্বৰ চলিহা এগৰাকী অসমীয়া ভাষাবিদ। তেওঁ “Origin and Growth of the Assamese Language and Literature’’, “অসমীয়া আৰু বঙ্গলা ভাষা’’ আদি গ্ৰন্থ প্ৰণয়ন কৰিছিল।

উদ্ধৃতিসমূহ

অসমীয়া আৰু বঙ্গলা ভাষা

অসমীয়া আৰু বঙ্গলা ভাষা, British India Printing Works, Howrah

• যেতিয়া বঙ্গলা ভাষাই ধোপত ধোপে উন্নতিৰ সোঁতত আগবাঢ়ি আহিছিল, যেতিয়া বাঙ্গালী মানুহে ইংৰাজ শিক্ষা, ইউৰোপীয় সভ্যত পাই নিজক নিজে ধন্য বুলি সন্তোষ লভিছিল, তেতিয়া অসমীয়া মানুহে মানৰ উৎপীড়ন আৰু অমানুষিক অত্যাচাৰৰ পৰা হাত সাৰি, ইংৰাজৰ বহল বাহুৰ তলত জিৰণি লৈছিল।
  • পৃষ্ঠা ২

• অসমীয়া ভাষা ইমান সোনকালে দেশৰ চৰ্কাৰী ঘৰৰ পৰা আঁতৰ হল, আৰু বঙ্গালী ভাষাই আদৰ পালে যে অসমীয়া মানুহেই নিজে বঙ্গলা ভাষা গ্ৰহণ কৰা উচিত যেন দেখিলে; আৰু শেষত স্কুল বিলাকতো বঙ্গলা ভাষা চলিবলৈ ধৰিলে।
  • পৃষ্ঠা ৩

• অসমীয়া ভাষাৰ যি দশা বৰ্ত্তমান সময়ত হবলৈ পালে সি অসমীয়া মানুহৰ বাবে নহয়; কিন্তু ইমান অত্যাচাৰ উৎপীড়নৰ ওপৰতো যে অসমীয়া ভাষাৰ প্ৰাণ বায়ু ওলাই জকামাত্ৰ সাৰ নেথাকিলগৈ, সি অসমীয়া মানুহৰ অশেষ গৌৰৱৰ কথা।
  • পৃষ্ঠা ৮

• অসমীয়া মহাভাৰত, বঙ্গালী মহাভাৰততকৈ যে আয়তনত ডাঙ্গৰ তাক পঢ়োঁতাৰ প্ৰত্যেকেই গম পাব। বঙ্গলা মহাভাৰতত অঘাসুৰৰ বধ, বঘাসুৰৰ বধৰ নামেই নাই, অসমীয়া মহাভাৰতত অঘাসুৰ বধ, বঘাসুৰ বধ, কুলাচল বধ গাইপতি একোটা পৰ্ব্বৰ সমান।
  • পৃষ্ঠা ৮

• বঙ্গালী ভাষাৰ বৰ্ণমালা অসম্পূৰ্ণ যেন লাগে। ইংৰাজীৰ V আৰু W, আৰু অসমীয়া ৱৰ উচ্চাৰণ বুজাবলৈ বঙ্গলা ভাষাত বৰ্ণ নাই।
  • পৃষ্ঠা ১১

• “প্ৰসৱ হৈছে’’ নুবুলি “গা লৰিছে’’, “ঋতুস্নান কৰিছে’’ নুবুলি “গা মূৰ ধুইছে“, নৰিয়াৰপৰা উঠিছে বা গা তঙ্গাইছে ইত্যাদি কথাবিলাকে ভাষা চহকী প্ৰমাণ নিদিয়েনে?
  • পৃষ্ঠা ১৫

• “পদ্ম’’ কথাটো উচ্চাৰণ কৰোঁতে পদ্দ বুলি কিয় উচ্চাৰণ কৰি অসমীয়া মানুহে ডাক্তৰ গ্ৰীয়াৰচন চাহাবে কবৰ নিচিনাকৈ “disuse of centuries have rendered the vocal organs unable or too lazy to pronounce’’ এনে অঙ্গহীন অৱস্থা পাবলৈ কিয় আগ্ৰহ কৰিছে কব নোৱাৰোঁ।
  • পৃষ্ঠা ২৮