তফজ্জুল আলি

তফজ্জুল আলি অসমৰ এগৰাকী গীতিকাৰ। তেওঁ অসমীয়া ভাষাত ভালেসংখ্যক গীত ৰচনা কৰাৰ লগতে 'পুতলা ঘৰ' আৰু 'সোণৰ হৰিণ' চলচ্চিত্ৰত সংগীত পৰিচালনা কৰিছিল। অসমীয়া সাহিত্য-সংস্কৃতিলৈ আলিৰ অৱদানৰ প্ৰতি স্বীকৃতি স্বৰূপে ১৯৯৫ চনত অসম চৰকাৰে তেওঁক বিষ্ণু ৰাভা বঁটাৰে সন্মানিত কৰে। তেওঁ শ্ৰীমন্ত শংকৰদেৱ কলাক্ষেত্ৰৰ পৰিচালনা সমিতিৰ সদস্য হোৱাৰ লগতে জ্যোতি চিত্ৰবন ফিল্মচ চ'ছাইটীৰ আজীৱন সভ্য আছিল। গীতিকাৰগৰাকীয়ে অসম নাট্য সন্মিলনৰ প্ৰতিষ্ঠাপক সম্পাদকৰূপেও কাৰ্যনিৰ্বাহ কৰিছিল।

উদ্ধৃতি

1. মোৰ প্ৰথম পৰিচয় হ’ল, শিক্ষক আৰু লগতে এটা যোগ দিব পাৰোঁ, কলা-সংস্কৃতি ভালপোৱা শিক্ষক৷

মতামত

1. তফাদাই লিখিছে বুলিয়েই মই সুৰ দিছোঁ, সেইটো কথা নহয়; মই সুৰ দিব লাগে বুলিয়েই তফাদাই লিখি দিছে- তেনেকুৱাও নহয়৷ আমাৰ আণ্ডাৰষ্টেণ্ডিংটোৱে এটা বেলেগ স্তৰত উপনীত হৈছিল৷ (বীৰেন্দ্ৰ নাথ দত্ত)