এ ছং অফ আইচ এণ্ড ফায়াৰ
আমেৰিকান ঔপন্যাসিক আৰু চিত্ৰনাট্যকাৰ জৰ্জ আৰ আৰ মাৰ্টিনৰ এক মহাকাব্যিক কল্প-উপন্যাসৰ শৃংখলা
এ ছং অফ আইচ এণ্ড ফায়াৰ (ইংৰাজী: A Song of Ice and Fire) হৈছে আমেৰিকান ঔপন্যাসিক আৰু চিত্ৰনাট্যকাৰ জৰ্জ আৰ আৰ মাৰ্টিনৰ এক মহাকাব্যিক কল্প-উপন্যাসৰ শৃংখলা। তেওঁ ১৯৯১ চনত শৃংখলাটোৰ প্ৰথম খণ্ড এ গেম অফ থ্ৰোনছ আৰম্ভ কৰে আৰু এই খণ্ডটো ১৯৯৬ চনত প্ৰকাশ পায়। প্ৰথমতে শৃংখলাটো ত্ৰয়োবৃত্ত বা ত্ৰিলজী হিচাপে কল্পনা কৰা মাৰ্টিনে পৰিকল্পিত সাতটা খণ্ডৰ ভিতৰত পাঁচটা খণ্ড প্ৰকাশ কৰিছে। ২০১১ চনত শৃংখলাটোৰ পঞ্চম আৰু আটাইতকৈ শেহতীয়া খণ্ড, এ ডান্স ৱিথ ড্ৰেগনছ প্ৰকাশিত হয় আৰু ইয়াক লিখি সম্পূৰ্ণ কৰিবলৈ মাৰ্টিনক ছবছৰ সময় লাগে। তেওঁ বৰ্তমান ষষ্ঠ উপন্যাস দ্য ৱিণ্ডছ অফ ৱিণ্টাৰ লিখি আছে। ইয়াৰ লগতে এ ড্ৰীম অফ স্প্ৰিং নামৰ এখন সপ্তম উপন্যাসৰো পৰিকল্পনা কৰা হৈছে।
উদ্ধৃতি সম্পাদনা কৰক
এ গেম অফ থ্ৰোনছ সম্পাদনা কৰক
- আপুনি কি সেই কথা কেতিয়াও পাহৰি নাযাব, কিয়নো নিশ্চয়কৈ জগতখনে নাপাহৰিব। ইয়াক নিজৰ শক্তি কৰি লওক। তেতিয়া ই কেতিয়াও আপোনাৰ দুৰ্বলতা হ’ব নোৱাৰে। ইয়াক নিজৰ কৱচ কৰি লওক, আৰু ইয়াক আপোনাক কেতিয়াও আঘাত দিবলৈ ব্যৱহাৰ কৰা নহ’ব।[১]
- ভয়ে তৰোৱালতকৈও গভীৰভাৱে কাটে।[১]
- কিছুমান পুৰণি ঘাঁ কেতিয়াও সঁচাকৈয়ে নুশুকায়, আৰু সামান্যতম শব্দত আকৌ ৰক্তক্ষৰণ হয়।[১]
- শীতকাল আহি আছে।[১]
- যেতিয়া তুষাৰপাত হয় আৰু শুভ্ৰ বতাহ বলে, তেতিয়া অকলশৰীয়া কুকুৰনেচীয়াটোৰ মৃত্যু হয় কিন্তু জাকটো বাচি থাকে।[১]
এ ডান্স ৱিথ ড্ৰেগনছ সম্পাদনা কৰক
- এজন পাঠকে মৃত্যুৰ আগতেই হাজাৰটা জীৱন জীয়াই থাকে, জোজেনে ক'লে। যিজন মানুহে কেতিয়াও পঢ়া নাই তেওঁ মাত্ৰ এবাৰহে জীয়াই থাকে।[২]
- মই বহুত ওপৰলৈ উঠিলোঁ, বহুত ভাল পালোঁ, বেছি সাহস কৰিলোঁ। মই এটা তৰা ধৰিবলৈ চেষ্টা কৰিলোঁ, অত্যাধিক গৈ পালোঁ আৰু সৰি পৰিলোঁ।[২]
- এজন মানুহে হয়তো কুকুৰনেচীয়াৰ সৈতে বন্ধুত্ব কৰিব পাৰে, আনকি কুকুৰনেচীয়াক ধ্বংস কৰিব পাৰে, কিন্তু কোনো মানুহেই কুকুৰনেচীয়াক প্ৰকৃতাৰ্থত বশ কৰিব নোৱাৰে।[২]
- পৃথিৱীৰ অন্ধকাৰ ঠাইবোৰত আটাইতকৈ শক্তিশালী গছবোৰৰ শিপা আছে। আন্ধাৰ হ’ব তোমাৰ পোছাক, তোমাৰ ঢাল, তোমাৰ মাতৃৰ দুগ্ধ। আন্ধাৰে তোমাক শক্তিশালী কৰি তুলিব।[২]